پاکستان میں ہونڈا سی ڈی 70 اور سی ڈی 70 ڈریم کی نئی قیمتیں جاری کر دی گئی ہیں۔ موٹر سائیکل خریدنے کے خواہشمند افراد کے لیے نئی قیمتوں کی تفصیلات سامنے آگئی ہیں۔
کمپنی کے مطابق ہونڈا سی ڈی 70 کے معیاری ماڈل کی نئی قیمت ایک لاکھ 59 ہزار 900 روپے مقرر کی گئی ہے، جبکہ ہونڈا سی ڈی 70 ڈریم کی قیمت ایک لاکھ 68 ہزار 900 روپے ہے۔
دونوں موٹر سائیکلیں اسلام آباد، راولپنڈی سمیت ملک بھر میں مجاز ڈیلرز کے پاس دستیاب ہیں، جہاں صارفین نئی قیمتوں کے مطابق خریداری کر سکتے ہیں۔
دوسری جانب استعمال شدہ ہونڈا سی ڈی 70 کی مارکیٹ میں بھی خرید و فروخت جاری ہے۔ اچھی حالت کی استعمال شدہ موٹر سائیکل ماڈل، رجسٹریشن اور کنڈیشن کے حساب سے تقریباً 70 ہزار روپے سے ایک لاکھ 30 ہزار روپے تک فروخت ہو رہی ہے۔
