لندن: بارش اور خراب روشنی کے باعث پاکستان اور انگلینڈ کے درمیان جاری ٹیسٹ میچ کے تیسرے روز کا کھیل مقررہ وقت سے پہلے ختم کر دیا گیا۔
کھیل کے اختتام تک انگلینڈ نے دوسری اننگز میں 7 وکٹوں کے نقصان پر 177 رنز بنا لیے اور پاکستان کے خلاف مجموعی برتری 357 رنز تک پہنچا دی۔
انگلینڈ کی جانب سے ڈان لارنس 50 رنز بنا کر ناقابلِ شکست ہیں، جبکہ اولی رابنسن 2 رنز کے ساتھ کریز پر موجود ہیں۔ دونوں کھلاڑی چوتھے روز انگلینڈ کی اننگز کا دوبارہ آغاز کریں گے۔
انگلینڈ کی جانب سے ایمیلیو نے 31، ہیری بروک نے 34 جبکہ جو روٹ نے 24 رنز کی اننگز کھیلی۔
پاکستان کی جانب سے محمد عباس نے 3 وکٹیں حاصل کیں، جبکہ خرم شہزاد اور محمد علی نے 2، 2 کھلاڑیوں کو پویلین کی راہ دکھائی۔
یہ بھی پڑھیں: پاکستان کو دوسرے ٹیسٹ میں بھی مشکلات کا سامنا، قومی ٹیم پہلی اننگز میں 110 پر ڈھیر، انگلینڈ کی پوزیشن مضبوط
اس سے قبل پاکستان نے ٹاس جیت کر پہلے فیلڈنگ کا فیصلہ کیا تھا۔ انگلینڈ نے پہلی اننگز میں 290 رنز بنائے، جس کے جواب میں پاکستان کی پوری ٹیم صرف 110 رنز پر آؤٹ ہوگئی۔ پاکستان کی ٹیم فالو آن کا شکار ہونے سے معمولی فرق سے بچ گئی۔
