شہزاد نوید
سوات: ریسکیو آپریشن کامیاب، کوہ پیما سید علی شاہ میاں کی میت 55 روز بعد فلک سر پہاڑی سے ریکور کرلی گئی۔
ضلعی انتظامیہ کے مطابق کوہ پیما سید علی شاہ میاں کی میت 5 ہزار 200 میٹر کی بلندی سے برآمد کی گئی، جسے ریسکیو اہلکاروں نے بحفاظت بیس کیمپ ٹو تک پہنچایا۔
پاک فوج اور سول انتظامیہ کا کامیاب ریسکیو آپریشن، کوہ پیما سید علی شاہ کی میت بحفاظت کالام پہنچا دی گئی۔ pic.twitter.com/6QNoeT9eW6
— Pakhtun Digital (@PakhtunDigital) September 6, 2026
انتظامیہ کے مطابق سید علی شاہ میاں 11 جولائی کو فلک سر سے واپسی کے دوران حادثے کا شکار ہوکر جاں بحق ہوگئے تھے، تاہم شدید منفی موسم اور دشوار گزار حالات کے باعث میت کی ریکوری میں 55 روز لگ گئے۔
یہ بھی پڑھیں : ملاکنڈ میں ٹرک اور گاڑی میں خوفناک تصادم، 2 نوجوان جاں بحق، 8 زخمی
ریسکیو ٹیموں نے پیدل سفر کرتے ہوئے سخت موسمی حالات کا مقابلہ کیا اور میت کو بیس کیمپ ٹو تک منتقل کیا، جہاں سے اسے ہیلی کاپٹر کے ذریعے کالام منتقل کردیا گیا۔
ضلعی انتظامیہ کا کہنا ہے کہ ریسکیو آپریشن پاک آرمی، ضلعی انتظامیہ اور مقامی کوہ پیماؤں کی مشترکہ کوششوں سے کامیابی سے مکمل کیا گیا۔
انتظامیہ کے مطابق کوہ پیما کی میت کچھ دیر بعد کالام سے ان کے آبائی گاؤں منتقل کی جائے گی۔
