باڑہ کے نواحی علاقے ملک دین خیل میں اچانک ہینڈ گرنیڈ پھٹنے کے نتیجے میں تین افراد جاں بحق اور ایک شدید زخمی ہو گیا جسے فوری طبی امداد کے لیے ہسپتال منتقل کر دیا گیا۔
واقعہ تھانہ باڑہ کی حدود میں نالہ علاقے میں پیش آیا، موقع پر موجود چار افراد شدید زخمی ہوئے جن میں سے تین زخمی موقع پر ہی جان کی بازی ہار گئے۔
جاں بحق افراد کی لاشیں اور زخمی کو فوری طور پر ڈوگرہ ہسپتال منتقل کیا گیا، ایم ایس ڈاکٹر عالمگیر کے مطابق شدید زخمی حبیب اللہ کو پشاور ہسپتال ریفر کر دیا گیا ہے۔
جاں بحق ہونے والوں میں 60 سالہ دولت ، 39 سالہ رحمت اللہ اور 37 سالہ ہارون ہیں، آزاد ذرائع کے مطابق جاں بحق افراد میں ایک حاضر سروس پولیس اہلکار بھی شامل ہے۔
یہ بھی پڑھیں: بنوں میں تخریب کاری کی کوشش ناکام، مشکوک بیگ سے دو ہینڈ گرنیڈ برآمد
ایس ایچ او تھانہ باڑہ کے مطابق واقعے کی تحقیقات جاری ہیں
