کوئٹہ اور پشاور کے درمیان جعفر ایکسپریس کی ٹرین سروس 13 نومبر تک معطل
ریلوے انتظامیہ نے اعلان کیا ہے کہ کوئٹہ اور پشاور کے درمیان چلنے والی جعفر ایکسپریس ٹرین کی آمد و رفت آج سے 13 نومبر تک عارضی طور پر معطل رہے گی۔ حکام کے مطابق یہ فیصلہ آپریشنل وجوہات کی بنیاد پر کیا گیا ہے۔
ریلوے انتظامیہ نے مسافروں کو یقین دلایا ہے کہ سروس کی معطلی کے دوران مسافروں کی سہولت اور نظام کی بہتری کے لیے تمام ضروری اقدامات کیے جا رہے ہیں۔ ان اقدامات کے مکمل ہونے کے بعد جعفر ایکسپریس کی سروس دوبارہ بحال کر دی جائے گی
دوسری جانب چمن اور کوئٹہ کے درمیان چلنے والی چمن پسنجر ٹرین اپنے معمول کے شیڈول کے مطابق روانہ اور پہنچے گی، اور اس سروس پر کوئی اثر نہیں پڑے گا۔ مسافروں سے درخواست کی گئی ہے کہ وہ سفر کے دوران اپنے شیڈول کے مطابق رہیں اور ریلوے کی جانب سے جاری کی جانے والی اپڈیٹس کو ملاحظہ کریں۔
