محکمہ موسمیات کی پیشگوئی!ملک کے بیشتر علاقوں میں سرد اور خشک موسم، پہاڑوں میں بارش اور برفباری متوقع
محکمہ موسمیات نے ملک کے موسم کے حوالے سے تازہ پیشگوئی جاری کر دی ہے، جس کے مطابق آج اسلام آباد سمیت ملک کے بیشتر علاقوں میں موسم خشک اور سرد رہے گا۔ پہاڑی علاقوں میں صبح اور رات کے اوقات میں درجہ حرارت میں مزید کمی متوقع ہے، جس سے سردی کی شدت بڑھ جائے گی۔
محکمہ موسمیات کے مطابق مری، گلیات اور گرد و نواح میں موسم سرد اور خشک رہے گا۔ پنجاب کے زیادہ تر اضلاع میں بھی سرد اور خشک موسم کا امکان ہے۔ سیالکوٹ، نارووال، لاہور، شیخوپورہ، گوجرانوالہ اور گجرات میں دھند اور اسموگ کی توقع ہے، جبکہ جہلم، فیصل آباد، جھنگ، ٹوبہ ٹیک سنگھ، ساہیوال، ملتان، خانیوال، لیہ، کوٹ ادو، بہاولپور اور گرد و نواح میں بھی دھند پڑنے کا امکان ظاہر کیا گیا ہے۔
سندھ کے بیشتر اضلاع میں آج موسم خشک، صبح اور رات کے اوقات میں سرد رہنے کا امکان ہے۔ بلوچستان اور خیبر پختونخوا کے بیشتر اضلاع میں بھی سرد اور خشک موسم متوقع ہے۔ آزاد کشمیر اور گلگت بلتستان میں موسم شدید سرد اور مطلع جزوی ابرآلود رہنے کا امکان ہے۔
محکمہ موسمیات نے مزید بتایا کہ 5 اور 6 دسمبر کو گلگت بلتستان، بالائی خیبرپختونخوا اور کشمیر میں تیز ہواؤں کے ساتھ چند مقامات پر بارش اور پہاڑوں پر برفباری متوقع ہے۔ شہریوں اور مسافروں کو احتیاط کی ہدایت کی گئی ہے، خاص طور پر پہاڑی علاقوں میں سفر کرنے والے افراد برفباری اور ٹریفک کے مسائل سے بچاؤ کے اقدامات کریں۔
اس پیشگوئی کے مطابق ملک کے بیشتر حصے سرد اور خشک موسم کا سامنا کریں گے، جبکہ شمالی اور پہاڑی علاقوں میں بارش اور برفباری سے سردی مزید بڑھ جائے گی۔
یہ بھی پڑھیں: افغان مہاجرین کا بڑا کیمپ خالی کر دیا گیا، مکانات مسمار، 70 ہزار افغان
