آئی سی سی ٹی 20 ورلڈ کپ کے اہم دن پر آج تین دلچسپ میچز کھیلے جائیں گے، جن میں سب کی نظریں خاص طور پر نیوزی لینڈ اور جنوبی افریقہ کے میچ پر مرکوز ہوں گی۔
تفصیلات کے مطابق شیڈول کے مطابق آج صبح ساڑھے دس بجے آئرلینڈ اور عمان کے درمیان میچ شروع ہوا ہے، جبکہ دوپہر اڑھائی بجے انگلینڈ اور سکاٹ لینڈ کی ٹیمیں ایک دوسرے کے خلاف میدان میں اتریں گی۔ شام ساڑھے چھ بجے نیوزی لینڈ اور جنوبی افریقہ کے درمیان گروپ کا سب سے اہم اور فیصلہ کن میچ کھیلا جائے گا۔
نیوزی لینڈ اور جنوبی افریقہ دونوں اپنے پہلے دو گروپ میچز جیت چکی ہیں اور ہر ایک کے چار چار پوائنٹس ہیں۔ ماہرین کے مطابق یہ میچ جیتنے والی ٹیم اگلے مرحلے میں اپنی جگہ پکی کرنے میں کامیاب ہو جائے گی، جس سے شائقین کے لیے اس مقابلے کی اہمیت اور سنسنی دوچند ہو گئی ہے۔
شائقین آج کے میچز میں ٹیموں کی کارکردگی اور ٹکراؤ کے دلچسپ لمحات دیکھنے کے لیے بے قرار ہیں، خاص طور پر شام کے میچ میں کسی بھی لمحے کھیل کا فیصلہ بدل سکتا ہے۔
