بنوں کے علاقے تھانہ کینٹ کی حدود سے ایک سیکیورٹی اہلکار کی نعش برآمد ہوئی ہے۔
ذرائع کے مطابق، رحمت اللہ نامی اہلکار 15 روز کی چھٹی پر اپنے گاؤں داؤد شاہ آیا تھا۔ وہ گزشتہ شام گھر سے نکلا اور آج صبح اس کی نعش ملی۔ پولیس نے واقعے کا مقدمہ درج کر کے تحقیقات کا آغاز کر دیا ہے۔
پولیس حکام کا کہنا ہے کہ واقعے کی نوعیت کا تعین کیا جا رہا ہے اور مختلف پہلوؤں سے تفتیش جاری ہے۔ عوام سے اپیل کی گئی ہے کہ اگر کسی کے پاس معلومات ہوں تو فوری طور پر متعلقہ حکام سے رابطہ کریں تاکہ کیس کو جلد از جلد حل کیا جا سکے۔
