تیاری کرلیں، ملک میں آج سے بارشیں اور برفباری شروع ہونے کا امکان

ملک میں آج سے بارشوں اور برفباری کا سلسلہ شروع ہونے کا امکان ہے جو 16 مارچ تک جاری رہے گا۔

ملک کے مختلف اضلاع میں گرج چمک کیساتھ بارش کا امکان ہے۔محکمہ موسمیات کے مطابق بالائی علاقوں میں مانسہرہ ،کوہستان ،شانگلہ ،سوات ،دیر ،بٹگرام ، کرم ، باجوڑ ، مہمند اور چترال میں بھی بارش کا امکان ہے ۔

پیر سے اسلام آباد ،راولپنڈی ،اٹک ، جہلم اور چکوال میں بارش کا امکان ہے جبکہ 12سے 16 مارچ کے دوران لاہور سمیت پنجاب بھر میں باران رحمت کی پیشگوئی کی گئی ہے ۔

ادھر ، 14 اور15 مارچ کو بارشوں کا سلسلہ بلوچستان کا رخ کرے گا ، جہاں کوئٹہ ، چمن ، مستونگ ، پشین اور دیگر اضلاع مین گرج چمک کیساتھ بارش کا امکان ہے ۔

آزاد کشمیر میں گرج چمک کیساتھ بارش اور بلند پہاڑی علاقوں میں برفباری متوقع ہے ، جس کے باعث وہاں اور گلگت بلتستان میں لینڈ سلائیڈنگ اور اربن فلڈنگ کا خدشہ ظاہر کیاگیا ہے ۔