کاشف الدین سید
خیبر پختونخوا میں آٹے کی قیمتوں میں مسلسل اور بے تحاشا اضافے نے غریب اور متوسط طبقے کو شدید مشکلات سے دوچار کر دیا ہے جہاں صوبے کے مختلف اضلاع میں 20 کلو آٹے کا تھیلا 3200 روپے کی بلند ترین سطح تک پہنچ گیا ہے۔
ذرائع کے مطابق پنجاب سے خیبر پختونخوا کو گندم اور آٹے کی ترسیل میں پیش آنے والی رکاوٹوں کے باعث صوبے بھر میں سپلائی کا نظام شدید متاثر ہوا ہے۔
دوسری جانب گندم کی تقسیم اور سرکاری سپلائی کے نظام میں مبینہ بے ضابطگیوں نے صورتحال کو مزید سنسنی خیز اور پیچیدہ بنا دیا ہے جس سے عام شہریوں کے لیے دو وقت کی روٹی کا حصول ناممکن ہوتا جا رہا ہے۔
آٹے کی قیمتوں میں سنسنی خیز اضافے کے باعث عام گھریلو بجٹ درہم برہم ہونے کے ساتھ ساتھ نان بائیوں اور روٹی کے کاروبار سے وابستہ افراد کے اخراجات میں بھی اضافہ ہوا ہے۔
یہ بھی پڑھیں : پاکستان میں سونے کی قیمتوں میں بڑا اضافہ
متاثرہ شہریوں نے حکومت سے گندم کی فوری اور باقاعدہ دستیابی یقینی بنانے کے ساتھ ساتھ قیمتوں میں اضافے کے اسباب کا فوری تعین کرنے اور ریلیف فراہم کرنے کا مطالبہ کیا ہے۔
