بشکیک: کرغزستان کے دارالحکومت بشکیک میں شنگھائی تعاون تنظیم (ایس سی او) کے سربراہانِ مملکت کونسل کا اہم اجلاس منعقد ہوا، جہاں اجلاس کے مشترکہ اعلامیے پر دستخط کی باضابطہ تقریب بھی ہوئی۔
اجلاس میں وزیراعظم شہباز شریف نے پاکستان کی نمائندگی کی اور ایس سی او سربراہانِ مملکت کونسل کے مشترکہ اعلامیے پر دستخط کیے۔
Prime Minister Muhammad Shehbaz Sharif in a group photo with heads of States at the SCO Council of Heads of State Summit in Bishkek, Kyrgyzstan. pic.twitter.com/EBn1xSmwiV
— Government of Pakistan (@GovtofPakistan) September 1, 2026
اجلاس کے بعد جاری متفقہ اعلامیے کے مطابق پاکستان 2026-27 کے لیے شنگھائی تعاون تنظیم کے سربراہانِ مملکت کونسل کی صدارت سنبھالے گا۔
اس پیش رفت کو پاکستان کے لیے علاقائی اور بین الاقوامی سفارتی سطح پر اہم پیش رفت قرار دیا جا رہا ہے۔
اسحاق ڈار کی ازبک وزیر خارجہ سے ملاقات
ایس سی او سربراہ اجلاس کے موقع پر وزیر خارجہ اسحاق ڈار نے ازبکستان کے وزیر خارجہ بختیار سعیدوف سے ملاقات کی۔ ملاقات میں دونوں ممالک کے باہمی تعلقات اور مختلف شعبوں میں تعاون کا جائزہ لیا گیا۔
یہ بھی پڑھیں : پاکستان کی امن کوششوں کی گونج بشکیک تک پہنچ گئی، ایرانی صدر کا اعتراف
ترجمان دفتر خارجہ کے مطابق دونوں وزرائے خارجہ نے پاکستان اور ازبکستان کے درمیان بڑھتی ہوئی شراکت داری کے عزم کا اعادہ کیا۔
ملاقات میں باہمی دلچسپی کے تمام شعبوں میں تعاون کو مزید مضبوط بنانے اور دوطرفہ تعلقات کو مزید مستحکم کرنے پر تبادلہ خیال کیا گیا۔
دونوں رہنماؤں نے پاکستان اور ازبکستان کے تعلقات کو مزید وسعت دینے اور مضبوط بنانے پر اتفاق کیا۔
