وزیراعلیٰ خیبر پختونخوا علی امین گنڈاپور نے کہا کہ ہر گھر اور پارٹی میں اختلافات ہوتے ہیں یہ جمہوریت کا حسن ہے ۔
تفصیلات کے مطابق وزیراعلیٰ خیبر پختونخوا علی امین گنڈاپور نےپی ٹی آئی میں اختلافات کا اعتراف کرلیا، انہوں نے کہاکہ ہر گھر اور پارٹی میں اختلافات ہوتے ہیں یہ جمہوریت کا حسن ہے ، اختلافی معاملات کو پارٹی کے اندر ہی حل کرلینگے ،جس نے بیان دیا وہی تشریح کرے زیادہ بہتر ہوگا، ہر بندے کو مطمئن کرنا میرے بس کی بات نہیں ۔
انہوں نے کہاکہ معدنیات بارے خیبر پختونخوا خود کفیل صوبہ ہے صوبے کی معدنیات استعمال ہورہی تھیں پیسہ نہیں آرہاتھا ،معدنیات بارے کسی اور کو اختیار دینے سے متعلق پراپیگنڈا کیاجارہاہے ۔
انہوں نے مزید کہاکہ صوبے کے حقوق کسی کو بالکل نہیں دینگے ، غیر قانونی مائننگ کی اجازت نہیں دے سکتے ۔
