پاکستان تحریک انصاف (پی ٹی آئی) کے بانی عمران خان کی بہن علیمہ خان نےکہا ہے کہ سابق وزیراعظم کے بیٹوں، سلیمان اور قاسم نے لندن میں پاکستانی ہائی کمیشن میں ویزے کے لیے درخواست جمع کرا دی ہے اور اب وہ منظوری کے منتظر ہیں۔
سماجی رابطے کی ویب سائٹ “ایکس” (سابقہ ٹوئٹر) پر جاری بیان میں علیمہ خان نے کہا کہ دونوں بیٹوں نے چند روز قبل پاکستان کا ویزا حاصل کرنے کے لیے لندن میں واقع ہائی کمیشن سے رجوع کیا تھا۔
ان کا کہنا تھا کہ پاکستانی ہائی کمیشن نے درخواستیں وصول کر کے متعلقہ حکام کو آگاہ کر دیا ہے۔
انہوں نے مزید بتایا کہ پاکستانی سفیر کے مطابق ویزا کی حتمی منظوری وزارت داخلہ اسلام آباد سے زیر التوا ہے اور اس کے بعد ہی ویزا جاری کرنے کا فیصلہ کیا جائے گا۔
یہ بھی پڑھیں : سینٹرل ایشیا فرینڈ شپ موٹر بائیک ریلی پشاور پہنچ گئی
