معروف یوٹیوبر سعد الرحمان المعروف ڈکی بھائی نے جسمانی ریمانڈ کے خلاف لاہور کی سیشن کورٹ میں اپیل دائر کر دی ہے۔
یوٹیوبر سعد الرحمان المعروف ڈکی بھائی کی جانب سے اپیل چودھری عثمان علی ایڈووکیٹ کے توسط سے جمع کرائی گئی۔
اپیل میں مؤقف اختیار کیا گیا ہے کہ جوڈیشل مجسٹریٹ نے حقائق کا مکمل اور درست تجزیہ کیے بغیر چار روزہ جسمانی ریمانڈ منظور کیا، جسے کالعدم قرار دیا جائے۔
سیشن عدالت نے درخواست کو سماعت کے لیے منظور کرتے ہوئے نیشنل سائبر کرائم ایجنسی کو نوٹس جاری کرتے ہوئے یکم ستمبر تک تحریری جواب طلب کر لیا ہے۔
یہ بھی پڑھیں: مشہور یوٹیوبر کا جوئے کی ایپس پروموٹ کرنے کا اعتراف، عوام سے معافی مانگ لی
سعد الرحمان کے خلاف آن لائن جوئے، گیمنگ اور فاریکس ایپلی کیشنز کے فروغ سے متعلق معاملات پر نیشنل سائبر کرائم ایجنسی نے باقاعدہ تفتیش کا آغاز کر دیا ہے۔
