محکمہ موسمیات نے رواں ہفتے ملک کے شمالی و پہاڑی علاقوں میں تیزہواؤں، بارش اور برفباری کی پیشگوئی کی ہے۔
محکمہ موسمیات کا کہنا ہے کہ 4 نومبر سے شمالی علاقوں میں بارشوں کا ایک نیا سلسلہ شروع ہو سکتا ہےجو 5 نومبر تک جاری رہنے کا امکان ہے۔
محکمہ کے مطابق آج رات سے مغربی ہواؤں کا ایک سلسلہ شمالی علاقوں میں داخل ہوگا، جس کے نتیجے میں تیز ہوائیں، بارش اور بعض جگہوں پر گرج چمک کے ساتھ برفباری ہو سکتی ہے۔
4 اور 5 نومبر کو چترال، دیر، سوات، کوہستان، ایبٹ آباد اور ہری پور میں بارش متوقع ہے، جبکہ صوابی، پشاور، مردان، کوہاٹ، کشمیر اور مظفرآباد کے پہاڑی علاقوں میں بھی برفباری کی پیشگوئی کی گئی ہے۔
اسی دوران اسلام آباد، راولپنڈی، مری، اٹک، چکوال، تلہ گنگ، جہلم اور سرگودھا میں بھی بادل برسنے کی توقع ہے، اور خوشاب، گوجرانوالہ، سیالکوٹ، نارووال اور لاہور میں گرج چمک کے ساتھ بارش ہو سکتی ہے۔
یہ بھی پڑھیں :مکان بنانا ہوا مزید آسان ،ملک میں سیمنٹ کی قیمت میں کمی
محکمہ موسمیات نے یہ بھی بتایا کہ بارش کے اثرات کے دوران درجہ حرارت میں واضح کمی آئے گی اور دھند و اسموگ میں بھی کمی متوقع ہے۔
