پاک فوج کی بروقت کارروائی نے افغان خوارج کے حملے کو ناکام بنایا، کیڈٹ کالج وانا کے طلبہ و اساتذہ کے بلند حوصلے اور قومی جذبے کا مظاہرہ
کیڈٹ کالج وانا کے اساتذہ اور طلبہ نے افغان خوارج کے حالیہ حملے کے باوجود نہ صرف اپنے حوصلے بلند رکھے بلکہ مظاہرہ کیا کہ تعلیم اور قومی جذبہ کبھی دبا نہیں سکتا۔ کیڈٹس نے موقع پر موجود حالات کا آنکھوں دیکھا حال بیان کرتے ہوئے کہا کہ یہ حملہ ان کی تعلیم کو نشانہ بنانے کے لیے کیا گیا تھا، لیکن وہ نہ صرف ڈرے بلکہ پاک فوج کی بروقت مدد سے کامیاب رہے۔
واقعہ کی تفصیلات کے مطابق، کیڈٹ ڈرل کے دوران خودکش حملہ ہوا، مگر پاک فوج اور کالج کا سٹاف فوری طور پر خوارج کے سامنے آ گئے اور حملے کو ناکام بنا دیا۔ ایک کیڈٹ نے بتایا’’مجھے دو خوارج نظر آئے جن پر پاک فوج کے جوان فائرنگ کر رہے تھے۔ آرمی کے جوانوں نے ہمیں بتایا کہ پریشان نہ ہوں، ہم آگئے ہیں۔
انہوں نے مزید کہا کہ خوارج ان کی بلڈنگ کی جانب بڑھ رہے تھے، لیکن پاک فوج کی بروقت کارروائی نے ان کا راستہ روک دیا۔ کیڈٹس نے کہا کہ حملہ آور سمجھ رہے تھے کہ وہ کامیاب ہو جائیں گے، مگر انہیں معلوم نہیں تھا کہ یہاں پاک فوج موجود ہے۔ حملے کے دوران کیڈٹس نہ صرف پرجوش رہے بلکہ پاک فوج کے حق میں نعرے لگائے اور حتیٰ کہ خوارج کے خلاف پتھر بھی اٹھائے۔
اساتذہ نے بھی اس موقع پر طلبہ کی حوصلہ مندی کو سراہا اور کہا کہ یہ حملہ نہ صرف ناکام ہوا بلکہ طلبہ کی قربانی اور استقامت کا مظاہرہ سامنے آیا۔ واقعے کے دوران پاک فوج کی پیشہ ورانہ کارروائی نے یقینی بنایا کہ نہ کوئی نقصان پہنچے اور نہ ہی طلبہ خوف زدہ ہوں۔
اس موقع پر کیڈٹس اور اساتذہ نے مل کر یہ پیغام دیا کہ دہشت گردی کے حملے کبھی بھی قومی جذبہ اور تعلیم کی طاقت کو شکست نہیں دے سکتے، اور پاک فوج کے تعاون سے ہر خطرے کا مقابلہ کیا جا سکتا ہے۔
