پاکستان پیپلز پارٹی خیبرپختونخوا کے صوبائی صدر سید محمد علی شاہ باچا نے خیبر ٹیچنگ ہسپتال پشاور کے انتہائی نگہداشت یونٹ (آئی سی یو) میں بستر دستیاب نہ ہونے کے باعث ایک بزرگ خاتون کے انتقال پر گہرے دکھ اور افسوس کا اظہار کرتے ہوئے واقعے کو انتہائی افسوسناک اور نظامِ صحت کی سنگین ناکامی قرار دیا ہے۔
انہوں نے کہا کہ صوبے میں گزشتہ 13 سال سے حکمران تحریک انصاف کی حکومت کے “صحت کے انصاف” کے دعوے اس المناک واقعے کے بعد بری طرح بے نقاب ہو چکے ہیں، جہاں مریض بروقت علاج اور بنیادی سہولیات نہ ملنے کے باعث جان کی بازی ہار رہے ہیں، جو حکومتی کارکردگی پر سوالیہ نشان ہے۔
