اسلام آباد: وفاقی وزیر داخلہ محسن نقوی نے اسلام آباد پولیس اور نیشنل سائبر کرائم انویسٹی گیشن ایجنسی (این سی سی آئی اے) میں بھرتیوں کے خواہشمند امیدواروں کے لیے درخواستیں جمع کرانے کی آخری تاریخ میں توسیع کا اعلان کردیا۔
محسن نقوی نے سماجی رابطے کی ویب سائٹ ایکس پر اپنے پیغام میں بتایا کہ اسلام آباد پولیس اور این سی سی آئی اے میں ملازمتوں کے لیے درخواستیں اب 14 ستمبر 2026 تک جمع کرائی جاسکیں گی۔
More opportunities for our youth
The application deadline for jobs in Islamabad Police and NCCIA has been extended till 14th September 2026.
Young men and women from across Pakistan step forward, serve the nation with pride. pic.twitter.com/MyXEyaF0qu
— Mohsin Naqvi (@MohsinnaqviC42) September 5, 2026
وفاقی وزیر داخلہ نے کہا کہ ملک بھر سے تعلق رکھنے والے نوجوان ان ملازمتوں کے لیے درخواست دینے کے اہل ہیں۔ انہوں نے نوجوانوں، بالخصوص مرد و خواتین، پر زور دیا کہ قومی خدمت کے جذبے کے ساتھ اس موقع سے فائدہ اٹھائیں اور دستیاب آسامیوں کے لیے درخواستیں جمع کرائیں۔
یہ بھی پڑھیں : گاڑیوں کے شوقین افراد کے لیے شیاومی کا بڑا اعلان
حکام کے مطابق بھرتیوں میں ملک بھر سے امیدوار حصہ لے سکتے ہیں، جس سے مختلف علاقوں کے نوجوانوں کو سرکاری ملازمت کے حصول کا موقع ملے گا۔
اسلام آباد پولیس میں بھرتیوں کا مقصد پولیس فورس کی خالی نشستوں کو پُر کرنا ہے، جبکہ این سی سی آئی اے میں دستیاب ملازمتیں سائبر کرائم کے شعبے میں خدمات انجام دینے کے خواہشمند نوجوانوں کے لیے اہم موقع فراہم کرتی ہیں۔
درخواستوں کی آخری تاریخ میں توسیع سے امیدواروں کو ملازمتوں کے لیے درخواستیں جمع کرانے کے لیے مزید وقت مل گیا ہے۔
