لاہور: ایچ بی ایل پاکستان سپر لیگ 10 کے 15ویں میچ میں کوئٹہ گلیڈی ایٹرز نے کراچی کنگز کو دلچسپ مقابلے کے بعد 5 رنز سے شکست دے دی۔
لاہور کے قذافی اسٹیڈیم میں کھیلا جانے والا یہ میچ کرکٹ کے شائقین کے لیے ایک سنسنی خیز معرکہ ثابت ہوا۔
کراچی کنگز نے ٹاس جیت کر فیلڈنگ کا فیصلہ کیا اور کوئٹہ گلیڈی ایٹرز کو پہلے بیٹنگ کرنے کا موقع دیا۔ کوئٹہ کی ٹیم نے اپنے مقررہ 20 اوورز میں 142 رنز بنا کر تمام کھلاڑیوں کو آؤٹ کیا۔
فہیم اشرف نے 43، کوشال مینڈس نے 36 اور حسن نواز نے 35 رنز کی اہم اننگز کھیل کر کوئٹہ کو ایک معقول اسکور تک پہنچایا۔
کراچی کنگز کی جانب سے حسن علی نے شاندار باؤلنگ کا مظاہرہ کرتے ہوئے 3 وکٹیں حاصل کیں، جبکہ میر حمزہ اور عباس آفریدی نے 2،2 وکٹیں حاصل کیں۔
جواب میں کراچی کنگز نے 143 رنز کے ہدف کے تعاقب میں اپنی پوری کوشش کی، لیکن وہ مقررہ 20 اوورز میں 8 وکٹوں کے نقصان پر 137 رنز ہی بنا سکی۔
ٹم سائفرٹ نے 47 رنز کی عمدہ اننگز کھیلی، جیمز ونس نے 30 رنز بنائے اور حسن علی نے بھی 24 رنز کا اضافہ کیا۔ تاہم، گلیڈی ایٹرز کے باؤلرز نے کراچی کو فتح سے دور رکھا۔ محمد عامر، خرم شہزاد اور محمد وسیم نے 2،2 وکٹیں حاصل کیں۔
یہ بھی پڑھیں : پی ایس ایل 10 میں کونسی ٹیم کس پوزیشن پر ہے
اس شاندار کامیابی کے بعد، کوئٹہ گلیڈی ایٹرز نے کراچی کنگز کو 5 رنز سے شکست دے کر 2 اہم پوائنٹس حاصل کر لیے ہیں۔
اس جیت کے ساتھ ہی کوئٹہ گلیڈی ایٹرز پوائنٹس ٹیبل پر 4 پوائنٹس کے ساتھ پانچویں نمبر پر پہنچ گئی ہے، جبکہ کراچی کنگز 6 پوائنٹس کے ساتھ دوسرے نمبر پر موجود ہے۔
