وزیراعظم پاکستان میاں محمد شہباز شریف آج لندن سے امریکا روانہ ہوں گے، جہاں وہ اقوام متحدہ کی جنرل اسمبلی کے 78ویں سالانہ اجلاس میں پاکستان کی نمائندگی کریں گے۔
وزیراعظم اپنے دورۂ امریکا کے دوران جنرل اسمبلی سے اہم خطاب کریں گے، جس میں وہ مسئلہ کشمیر، فلسطین کی موجودہ صورتحال اور قطر پر حالیہ حملے کے حوالے سے پاکستان کا مؤقف عالمی برادری کے سامنے رکھیں گے۔ وزیراعظم جنرل اسمبلی کے خصوصی اجلاس برائے غزہ میں بھی شرکت کریں گے، جہاں وہ غزہ میں جاری انسانی بحران پر پاکستان کا نقطہ نظر پیش کریں گے۔
وزیراعظم شہباز شریف نے برطانیہ کے چار روزہ دورے کے دوران لندن میں مقیم پاکستانی کمیونٹی اور کاروباری شخصیات سے ملاقاتیں کیں، جن میں دوطرفہ تعاون، سرمایہ کاری اور تارکین وطن کو درپیش مسائل پر تبادلہ خیال کیا گیا۔
امریکا میں مقیم معروف پاکستانی نژاد رہنما ساجد تارڑ، جو وزیراعظم کا خطاب سننے لندن پہنچے، نے میڈیا سے گفتگو میں انکشاف کیا کہ وزیراعظم شہباز شریف کی اقوام متحدہ کی جنرل اسمبلی کی سائیڈ لائنز پر سابق امریکی صدر ڈونلڈ ٹرمپ سے ملاقات بھی متوقع ہے۔
وزیراعظم کا یہ دورہ عالمی سفارتی محاذ پر پاکستان کی پالیسیوں کو اجاگر کرنے کے لیے نہایت اہمیت کا حامل قرار دیا جا رہا ہے۔
