مانسہرہ کے عوامی نمائندوں پر کرپشن الزامات لگانے پر پی ٹی آئی احتسابی کمیٹی نے اعظم سواتی سے شواہد طلب کرنے کی درخواست کردی ۔
پی ٹی آئی احتسابی کمیٹی کی جانب سے جاری خط میں کہا گیا ہے کہ عمران خان کے قانون کی حکمرانی اور احتساب کے ویژن کے تحت ان کی حمایت درکار ہے ۔
اور مبینہ عوامی عہدیداروں کیخلاف کارروائی کیلئے ثبوت فراہم کیے جائیں ۔
خط میں مزید کہا گیا ہے کہ فراہم کردہ شواہد کی بنیاد پر چیئرمین پی ٹی آئی اور وزیراعلیٰ خیبر پختونخوا کو مناسب اقدامات کی سفارش کی جائیگی ،
سابق سینیٹر اعظم سواتی نے مانسہرہ میں ایک عوامی تقریب سے خطاب کرتے ہوئے علاقے کے منتخب ممبران پر کرپشن کے سنگین الزامات عائد کیےتھے ۔
