سوئی ناردرن کمپنی نے رمضان المبارک کے دوران گیس کی فراہمی کے لیے شیڈول جاری کر دیا ہے
سوئی ناردرن کمپنی کے مطابق سحر و افطار کے اوقات میں صارفین کو گیس فل پریشر پر فراہم کی جائے گی تاکہ کھانا پکانے اور دیگر ضروری کام بلا تعطل جاری رہیں۔
سوئی ناردرن کمپنی کی جانب سے جاری شیڈول کے مطابق صبح 3 بجے سے رات 10 بجے تک گیس کی فراہمی بلا تعطل جاری رہے گی۔
کمپنی نے عوام سے تاکید کی ہے کہ کسی بھی علاقے میں اگر کم پریشر کی شکایت ہو تو فوری طور پر ہیلپ لائن 1199 پر رابطہ کیا جائے۔
سوئی ناردرن کی اس سہولت کا مقصد رمضان المبارک میں صارفین کی روزمرہ زندگی میں آسانی پیدا کرنا اور گیس کی مسلسل دستیابی کو یقینی بنانا ہے۔
کمپنی نے عوام سے تعاون کی درخواست کی ہے تاکہ شیڈول کے مطابق خدمات بغیر کسی رکاوٹ کے فراہم کی جا سکیں۔
