وزیراعظم شہباز شریف نے میڈیا سے گفتگو کرتے ہوئے کہا کہ امریکی صدر کی جانب سے افغانستان میں انسداد دہشتگردی کیلئے پاکستان کے کردار کو تسلیم کرنا اور سراہنا قابل تحسین ہے۔
ٹرمپ نے اپنے خطاب میں کہا میں فخر کیساتھ اعلان کررہاہوں کہ میری انتظامیہ نے اس بھیانک حملے کے مرکزی دہشتگرد کو گرفتا رکرلیا ہے او ر وہ اس وقت امریکا آرہاہے تاکہ امریکی انصاف کی تیز دھار تلوار کا سامنا کرے ۔ صدر ٹرمپ نے پاکستان کی حکومت کا شکریہ ادا کرتے ہوئے کہا
کہ انہوں نے س درندے کی گرفتاری میں امریکہ کی مدد کی ۔جس کے بعد شہبا زشریف نے اپنے بیان میں کہا کہ پاکستان نے ہمیشہ دہشتگردی کیخلاف اہم کردار ادا کیا ہے اور اس لعنت کے مکمل خاتمے کیلئے پرعزم ہے
، انہوں نے یہ بھی کہا کہ پاکستان دہشتگردی کی تمام اقسام اور مظاہر سے نمٹنے کیلئے پر عزم ہے اور اس جنگ میں بے پناہ قربانیاں دی ہیں ۔
