خیبر پختونخوا کے ضلع کرم کے علاقے صدہ میں ایک افسوسناک حادثہ پیش آیا ہے جہاں ایک دو منزلہ کچا مکان اچانک منہدم ہو گیا ہے۔
ریسکیو 1122 کے مطابق رہائشی مکان اچانک گرنے کی وجہ سے گھر میں موجود تمام افراد ملبے تلے دب گئے۔
مقامی پولیس نے حادثے کی تصدیق کرتے ہوئے بتایا ہے کہ ملبے تلے دبنے کے باعث دو خواتین اور ایک بچے سمیت تین افراد جاں بحق ہو گئے ہیں۔
امدادی ٹیموں نے فوری کارروائی کرتے ہوئے لاشوں کو ملبے سے نکال کر تحصیل ہسپتال صدہ منتقل کر دیا ہے۔
