ایشین گیمز کے کرکٹ ایونٹ میں نیپال نے افغانستان کو 5 وکٹوں سے ہرا کر اہم کامیابی حاصل کرلی، افغانستان کا 102 رنز کا ہدف نیپال نے 5 وکٹوں کے نقصان پر مکمل کرکے کامیابی حاصل کی ۔
جاپان میں جاری ایشین گیمز کے کرکٹ ایونٹ میں افغانستان کی ٹیم نے 7 وکٹ پر 102 رنز بنائے ،نیپال نے مقررہ ہدف 16 گیندوں پہلے حاصل کر لیا۔
گروپ اے کے میچ میں افغانستان کی ٹیم نیپال کے خلاف 7 وکٹ پر 102 رنز بنا سکی، فیصل خان اور نجیب اللہ زدران 30، 30 رنز کے ساتھ نمایاں رہے۔
نیپال کے کوشل بھرٹل نے 4 اور للت راج بنشی نے 3 کھلاڑیوں کو آؤٹ کیا۔
یہ بھی پڑھیں: ایشین گیمز ہاکی ایونٹ ، پاکستان نے تھائی لینڈ کو آوٹ کلاس کردیا
ہدف کے تعاقب میں نیپال کی 3 وکٹیں جلد گر گئیں لیکن پھر سندیپ جورا نے 34 رنز کی اننگزکھیلی ،جبکہ روہت نے 33 رنز کی ناقابل شکست اننگز کھیل کر نیپال کو 5 وکٹوں سے فتح دلا دی ۔
دوسری جانب گروپ بی کے میچ میں ہانگ کانگ نے عمان کو 41 رنز سے شکست دے دی ، فاتح ٹیم نے 8 وکٹ پر 121 رنز بنائے ، جواب میں عمان کی ٹیم 6 وکٹ پر80 رنز بنا سکی۔
