پولیس کے مطابق پنڈی اور گجرانوالہ غیر قانونی طورپر مقیم افغان بچوں کی آماجگاہ ہیں ،پنجاب سے افغان باشندوں کا انخلا ،بچوں کی شناخت چیلنج بن گئی ۔
تفصیلات کے مطابق 12ہزار 799افگان بچوں کا کوئی سراغ نہیں مل سکا ، چار ہزار 651افغان بچوں کی نشاندہی کرلی گئی ، راولپنڈی میں دس ہزار افغان بچے موجود ہیں جبکہ شہر میں موجود سات ہزار 438افغان بچوں کی نشاندہی نہیں ہوسکی ۔
پولیس ذرائع کے مطابق راولپنڈی اور گجرانوالہ غیر قانونی طورپر مقیم افغان بچوں کی آماجگاہ ہیں ،پنجاب میں سترہ ہزار سے زائد افغان بچے موجود ہونے کا انکشاف ہوا ہے ۔
گجرانوالہ میں مقیم 2ہزار 270افغان بچوں کی شناخت کیلئے کوشش جاری ہے ، لاہور میں روپوش 1002افغان بچوں کا بھی سراغ نہیں مل سکا ،پنجاب کے مختلف شہروں میںشناخت بدل کررہنے والے افغان بچوں کی نشاندہی کی کوششیں جاری ہیں ۔
