نئی دہلی: بھارتی وزیر اعظم نریندر مودی نے پارلیمنٹ سے خطاب کرتے ہوئے تسلیم کیا کہ 9 مئی کی رات امریکی نائب صدر جے ڈی وینس نے انہیں خبردار کیا کہ پاکستان بھارت پر بڑا حملہ کرنے والا ہے۔
مودی نے کہا کہ “9 مئی کو رات کوامریکی نائب صدر جے ڈی وینس نے مجھے کال کرنے کی کوشش کی تو میں نے کال نہیں اٹھائی، پھر میں نےکال بیک کی کہ آپ کا 3،4 بار فون آیا میں فون اٹھا نہیں پایا تو امریکی نائب صدر جے ڈی وینس نے نے کہا کہ پاکستان آپ پر بڑا حملہ کرنے والا ہے۔”
اس انکشاف کے ساتھ ہی نریندر مودی نے اعتراف کیا کہ انہوں نے پاکستان کے ممکنہ حملے کے پیشِ نظر صدر ٹرمپ سے جنگ بندی کے لیے مدد طلب کی جس کے بعد ٹرمپ نے پاکستان سے رابطہ کر کے جنگ بندی کی کوشش کی۔
تاہم ان حقائق کے باوجود نریندر مودی شکست کا کھلے الفاظ میں اعتراف کرنے کی بجائے، بھارتی عوام کو “آپریشن سندور” کے نام پر من گھڑت بیانیہ سنا کر گمراہ کرنے میں مصروف ہیں۔
ان کا یہ رویہ اپوزیشن اور مبصرین کی جانب سے شدید تنقید کی زد میں ہے جن کا کہنا ہے کہ مودی حکومت عوام سے سچ چھپا رہی ہے اور ناکامیوں کو کامیابی بنا کر پیش کرنے کی کوشش کر رہی ہے۔
