پاکستان میں جاری سہ ملکی ٹی20 ٹرائی سیریز کے چوتھے میچ میں پاکستان نے زمبابوے کے خلاف ٹاس جیت کر بیٹنگ کا فیصلہ کیا ہے۔
پاکستان اس سیریز میں اب تک ناقابل شکست رہا ہے، پہلے میچ میں پاکستان نے زمبابوے کو شکست دی تھی جبکہ دوسرے میچ میں سری لنکا کو زیر کیا تھا۔
آج کے میچ میں فتح حاصل کرنے کی صورت میں پاکستان براہِ راست سیریز کے فائنل میں پہنچ جائے گا۔
راولپنڈی میں سہ ملکی ٹی20 ٹرائی سیریز کے اہم میچ میں پاکستان نے زمبابوے کے خلاف ٹاس جیت کر بیٹنگ کا فیصلہ کیا ہے۔ قومی ٹیم کے کپتان سلمان علی آغا نے کہا کہ وہ زمبابوے کو اچھا ہدف دینے کی کوشش کریں گے اور ٹیم آج میچ جیتنے کے لیے پرعزم ہے۔
کپتان نے مزید کہا کہ زمبابوے کی ٹیم اچھی کرکٹ کھیل رہی ہے، لیکن پاکستان کی ٹیم پچھلے میچ میں سری لنکا کے خلاف شاندار پرفارمنس کے بعد آج بھی بہترین کھیل پیش کرنے کی کوشش کرے گی۔ آج کے میچ میں کامیابی حاصل کرنے کی صورت میں پاکستان سیریز کے فائنل میں پہنچ جائے گا۔
پاکستانی ٹیم کی بیٹنگ لائن اور بولنگ لائن دونوں ہی مضبوط دکھائی دے رہی ہیں، اور شائقین کو ایک دلچسپ اور سنسنی خیز مقابلے کی توقع ہے۔
یہ بھی پڑھیں: ٹرائی نیشن سیریز: زمبابوے نے سری لنکا کو شکست دے دی
واضح رہے کہ پاکستان نے سہ ملکی ٹی20 سیریز کے تیسرے میچ میں سری لنکا کو شکست دی تھی، جہاں قومی ٹیم کے اوپننگ بیٹسمین صاحبزادہ فرحان نے 80 رنز کی ناقابل شکست اننگز کھیلی۔
پاکستان نے منگل کو سہ فریقی ٹی20 سیریز کے پہلے میچ میں زمبابوے کو پانچ وکٹوں سے شکست دی تھی۔ زمبابوے نے پہلے بیٹنگ کرتے ہوئے 148 رنز کا ہدف دیا، جسے پاکستان نے پانچ وکٹوں کے نقصان پر حاصل کیا۔
