اسلام آباد: پاکستان کے لیے کھیلوں کے میدان سے ایک بڑی خوشخبری سامنے آئی ہے، کیونکہ سیف انڈر 17 بوائز فٹبال چیمپئن شپ 2026 کی میزبانی پاکستان کو سونپ دی گئی ہے۔
وزیر دفاع خواجہ آصف نے اس اہم پیش رفت کی تصدیق کرتے ہوئے کہا کہ پاکستان اگست 2026 میں اس بین الاقوامی فٹبال ایونٹ کی میزبانی کرے گا، جو ملک میں فٹبال کے فروغ کے لیے ایک سنگ میل ثابت ہوگا۔
انہوں نے مزید کہا کہ یہ ایونٹ پاکستان فٹبال فیڈریشن کی ایک بڑی کامیابی ہے اور اس سے نہ صرف ملک کا مثبت تشخص اجاگر ہوگا بلکہ نوجوان کھلاڑیوں کو بین الاقوامی معیار کے مطابق کھیلنے کا موقع بھی ملے گا۔
ذرائع کے مطابق اس چیمپئن شپ میں مختلف ممالک کی ٹیمیں حصہ لیں گی، جس میں روایتی حریف ٹیموں کے درمیان دلچسپ مقابلے متوقع ہیں۔
ایونٹ کے دوران ملک بھر میں فٹبال شائقین کو اعلیٰ معیار کے میچز دیکھنے کا موقع ملے گا۔
پاکستان فٹبال فیڈریشن کے حکام نے اس کامیابی پر اطمینان کا اظہار کیا اور کہا کہ چیمپئن شپ کی میزبانی کے لیے تمام انتظامات بین الاقوامی معیار کے مطابق کیے جائیں گے۔
یہ بھی پڑھیں : برطانوی پولیس نے شہزاد اکبر کے الزامات کو جھوٹ قرار دے کر تحقیقات بند کردیں
ان کا کہنا تھا کہ یہ ایونٹ پاکستان میں فٹبال کے ڈھانچے کو مضبوط بنانے اور نوجوان ٹیلنٹ کو آگے لانے میں مدد دے گا۔
سیف انڈر 17 فٹبال چیمپئن شپ 2026 کی میزبانی سے پاکستان میں کھیلوں کو فروغ ملے گا اور عالمی سطح پر ملک کا مثبت امیج مزید بہتر ہوگا۔
