راولپنڈی: پاک فوج نے اپنے شہداء کے لواحقین کے اعزاز میں ایک پر وقار تقریب کا انعقاد کیا، جس میں خیبر پختونخوا کے مختلف علاقوں سے تعلق رکھنے والے 2024 اور 2025 کے شہداء کے اہلِ خانہ نے شرکت کی۔
تقریب میں بطور مہمانِ خصوصی کور کمانڈر پشاور بھی موجود تھے۔ انہوں نے شہداء کے لواحقین سے ملاقات کی اور وطن کے لیے دی جانے والی ان قربانیوں کو خراجِ عقیدت پیش کیا۔
تقریب کے آغاز پر شہداء کے درجات کی بلندی کے لیے خصوصی دعا بھی منعقد کی گئی۔
تقریب سے خطاب کرتے ہوئے کور کمانڈر پشاور نے کہا شہداء ہمارا فخر ہیں اور ان کی قربانیاں وطن کی سلامتی کی ضامن ہیں۔
پاکستانی قوم کبھی اپنے شہداء اور ان کے خاندانوں کی قربانیوں کو فراموش نہیں کر سکتی۔
کور کمانڈر پشاور نے کہا کہ فوج اور قوم ہمیشہ اپنے شہداء کے اہلِ خانہ کے ساتھ کھڑی رہے گی اور ان کی قربانیوں کو ہمیشہ یاد رکھا جائے گا۔
یہ بھی پڑھیں : شمالی وزیرستان میں قبائلی عمائدین کا اہم جرگہ، پاک فوج کے ساتھ شانہ بشانہ کھڑے رہنے کا عزم
تقریب کے اختتام پر کور کمانڈر پشاور نے شہداء کے لواحقین میں تحائف بھی تقسیم کیے، تاکہ ان کے حوصلے بڑھائے جائیں اور شہداء کے احترام میں یہ یادگار لمحہ یادگار بنایا جا سکے۔
یہ تقریب ایک بار پھر یاد دلاتی ہے کہ پاکستانی فوج اپنے شہداء اور ان کے اہلِ خانہ کے ساتھ ہر لمحہ وفادار ہے اور قوم کے دفاع کے لیے دی جانے والی قربانیوں کو کبھی فراموش نہیں کیا جائے گا۔
