آئی سی سی ٹی20 ورلڈ کپ کے اہم مقابلے میں بھارت نے پاکستان کو 61 رنز سے شکست ددی۔
بھارت کے 176 رنز کے ہدف کے تعاقب میں قومی ٹیم صرف 114 رنز پر آؤٹ ہوگئی ۔
بھارت کے خلاف اہم میچ میں قومی ٹیم کا ٹاپ آرڈر بری طرح ناکام رہا اور بڑے نام توقعات پر پورا نہ اتر سکے۔
اوپنر صاحبزادہ فرحان کھاتہ کھولے بغیر پویلین لوٹ گئے، جبکہ بابر اعظم صرف 5 رنز بنا سکے،سلمان آغا 4 اور صائم ایوب 6 رنز پر آؤٹ ہو گئے۔
درمیانی اوورز میں عثمان خان نے کچھ مزاحمت دکھائی اور 44 رنز کی اننگز کھیلی، تاہم انہیں دوسرے اینڈ سے خاطر خواہ سپورٹ نہ مل سکی۔
محمد نواز بھی کریز پر زیادہ دیر نہ ٹھہر سکے اور صرف 4 رنز بنا کر آؤٹ ہوگئے۔
یہ بھی پڑھیں: آئی سی سی نے پاک بھارت میچ سے پہلے ایشیائی کرکٹ سربراہان کا اجلاس طلب کر لیا
قومی ٹیم کی بیٹنگ لائن ایک بار پھر دباؤ میں بکھرتی نظر آئی اور تو چل میں آیا والی روایت برقرار رہی،کوئی بھی بیٹر ذمہ داری سے اننگز کو آگے نہ بڑھا سکا۔
بھارتی بولرز نے نپی تلی لائن اور لینتھ کے ساتھ پاکستانی بیٹرز کو جم کر کھیلنے کا موقع نہ دیا اور اہم مواقع پر وکٹیں حاصل کر کے میچ یکطرفہ بنا دیا۔
