اسلام آباد: سوئی سدرن گیس کمپنی (ایس ایس جی سی) نے عید الفطر 2026 کے موقع پر گیس کی فراہمی کا شیڈول جاری کر دیا ہے، تاکہ صارفین عید کے تہوار کے دوران بلا تعطل خدمات سے مستفید ہو سکیں۔
ترجمان ایس ایس جی سی کے مطابق چاند رات کو صارفین کو گیس فراہم کی جائے گی، جبکہ عید کے تین دنوں کے دوران بھی گھریلو اور کمرشل صارفین کو گیس دستیاب رہے گی۔
شیڈول کی تفصیل:
عید کے تین دنوں میں رات 12 بجے سے صبح 6 بجے تک گیس بند رہے گی۔
چاند رات سے عید کے پہلے دن رات 12 بجے تک گیس بلا تعطل دستیاب ہوگی۔
عید کے دوسرے اور تیسرے دن صبح 6 بجے سے رات 12 بجے تک صارفین گیس استعمال کر سکیں گے۔
یہ بھی پڑھیں : وزیراعلیٰ سہیل آفریدی نے پروٹوکول کے بغیر صدر بازار کا دورہ کیا اور عوام میں گھل مل گئے
ایس ایس جی سی نے کہا ہے کہ وہ گھریلو اور کمرشل صارفین کی سہولت کے لیے تمام ضروری اقدامات کر رہی ہے تاکہ عید کے دوران گیس کی فراہمی میں کسی قسم کی رکاوٹ پیش نہ آئے۔
ترجمان نے صارفین سے درخواست کی کہ وہ اس شیڈول کے مطابق اپنے گیس کے استعمال کی منصوبہ بندی کریں تاکہ عید کے تہوار کے دوران خدمات کا زیادہ سے زیادہ فائدہ اٹھایا جا سکے۔
