محمد اعجاز آفریدی
حکومت خیبر پختونخوا نے صوبائی بیوروکریسی میں اہم تبدیلیاں کرتے ہوئے افسران کے تقرر و تبادلوں کے احکامات جاری کر دیے ہیں۔
محکمہ ہیومن ریسورس مینجمنٹ (HRM) کی جانب سے جاری نوٹیفیکیشن کے مطابق پی ایم ایس گریڈ 19 کے افسر جمال الدین کو چیف سیکریٹری خیبر پختونخوا کا چیف اسٹاف آفیسر (CSO) تعینات کر دیا گیا ہے۔ وہ اس سے قبل محکمہ ایچ آر ایم میں بطور ایڈیشنل سیکریٹری خدمات سرانجام دے رہے تھے۔
دوسرے نوٹیفیکیشن کے مطابق گریڈ 18 کے افسر فرحان خان (ایڈیشنل ڈپٹی کمشنر ڈی آئی خان) کا تبادلہ کر کے انہیں محکمہ تعلیم (ایلیمنٹری اینڈ سیکنڈری ایجوکیشن) میں ڈپٹی سیکریٹری مقرر کیا گیا ہے جبکہ ان کی جگہ عدنان خان کو ایڈیشنل ڈپٹی کمشنر ڈی آئی خان تعینات کر دیا گیا ہے۔
