سلمان علی خان
بنوں اور اس کے گردونواح میں چلنے والی طوفانی ہواؤں نے تباہی مچا دی ہے جس کے باعث مختلف علاقوں میں دیواریں گرنے کے واقعات سامنے آئے ہیں۔
ہسپتال ترجمان کے مطابق ان حادثات کے نتیجے میں اب تک 14 زخمیوں کو ڈسٹرکٹ ہیڈ کوارٹر (ڈی ایچ کیو) ہسپتال لایا جا چکا ہے۔
صورتحال کے پیش نظر ڈسٹرکٹ ہیڈ کوارٹر ہسپتال اور خلیفہ گلنواز ہسپتال میں فوری طور پر ایمرجنسی نافذ کر دی گئی ہے تاکہ زخمیوں کو بروقت طبی امداد فراہم کی جا سکے۔
دوسری جانب ریسکیو حکام کا کہنا ہے کہ ضلع کے مختلف علاقوں سے مسلسل ایمرجنسی کالیں موصول ہو رہی ہیں جس کے بعد امدادی ٹیمیں متاثرہ مقامات پر روانہ کر دی گئی ہیں اور ملبے تلے دبے یا زخمی ہونے والے افراد کو نکالنے کا کام جاری ہے۔
