ژوب اور ڈیرہ اسماعیل خان شاہراہ پر شیرانی کے علاقے دانہ سر میں مسافر بس گہری کھائی میں گرنے کے نتیجے میں 39 افراد جاں بحق جبکہ متعدد زخمی ہوگئے۔
ڈپٹی کمشنر شیرانی حضرت ولی کاکڑ کے مطابق حادثے کی اطلاع ملتے ہی ضلعی انتظامیہ کی ریسکیو ٹیمیں اور ایمبولینسز فوری طور پر جائے وقوعہ پر پہنچ گئیں اور امدادی کارروائیاں شروع کر دی گئیں۔
ڈی سی شیرانی کا کہنا ہے کہ زخمیوں کو کھائی سے نکالنے اور انہیں قریبی اسپتالوں میں منتقل کرنے کا عمل جاری ہے جبکہ جاں بحق اور زخمی ہونے والوں کی تعداد میں اضافے کا خدشہ بھی موجود ہے۔
یہ بھی پڑھیں: اسلام آباد میں میٹرو بس سروس بند، سرکاری دفاتر کیلئے نئی ہدایات جاری
ریسکیو ذرائع کے مطابق بس گہری کھائی میں گرنے کے باعث کئی مسافر شدید زخمی ہوئے ہیں جبکہ امدادی ٹیمیں دشوار گزار علاقے میں ریسکیو آپریشن میں مصروف ہیں۔
