اسلام آباد: اقوام متحدہ میں پاکستان کے مستقل مندوب عاصم افتخار احمد کو ملک کا نیا سیکریٹری خارجہ مقرر کردیا گیا ہے، جبکہ موجودہ سیکریٹری خارجہ آمنہ بلوچ 17 ستمبر 2026 کو سرکاری ملازمت سے ریٹائر ہوجائیں گی۔
نائب وزیراعظم اور وزیر خارجہ اسحاق ڈار نے سماجی رابطے کی ویب سائٹ ایکس پر اہم سفارتی تقرریوں اور تبدیلیوں کا اعلان کرتے ہوئے بتایا کہ وزیراعظم شہباز شریف نے عاصم افتخار احمد کی بطور سیکریٹری خارجہ تعیناتی کی منظوری دے دی ہے۔
The 33rd Foreign Secretary of Pakistan, Ambassador Amna Baloch, after a distinguished career spanning over three decades and her tenure as Foreign Secretary since 11 September 2024, will retire from government service on 17 September 2026. I commend her dedicated service and leadership of the Ministry of Foreign Affairs during a consequential period in Pakistan’s diplomatic history.
Foreign Secretary Amna Baloch leaves behind a legacy of dedicated public service, and carries with her our warmest wishes. She will assume charge as Pakistan’s Ambassador to Türkiye, after retirement. I am confident she will continue to serve Pakistan with distinction in this new role.
I am delighted to also announce that Ambassador Asim Iftikhar Ahmad, who is currently Pakistan’s Permanent Representative to the United Nations, will be the next Foreign Secretary of Pakistan.
I am confident that, under Ambassador Asim’s leadership, the Foreign Office will continue to advance Pakistan’s interests with clarity, professionalism and purpose, building on the important work undertaken by Ambassador Amna Baloch and all her predecessors.
I am further pleased to share that the Honourable Prime Minister Muhammad Shehbaz Sharif @CMShehbaz has kindly approved the aforesaid assignments.
— Ishaq Dar (@MIshaqDar50) September 9, 2026
اسحاق ڈار نے عاصم افتخار احمد کیلئے نیک خواہشات کا اظہار کرتے ہوئے کہا کہ انہیں یقین ہے کہ وہ اپنی پیشہ ورانہ صلاحیتوں اور تجربے کو بروئے کار لاتے ہوئے دفتر خارجہ کی مؤثر قیادت کریں گے اور عالمی سطح پر پاکستان کے مفادات کو واضح، پیشہ ورانہ اور مؤثر انداز میں آگے بڑھائیں گے۔
نائب وزیراعظم نے کہا کہ عاصم افتخار احمد کی قیادت میں دفتر خارجہ آمنہ بلوچ اور ان سے قبل خدمات انجام دینے والے سیکریٹریز کی جانب سے کیے گئے اہم کام کو آگے بڑھاتے ہوئے پاکستان کے قومی مفادات کے فروغ کیلئے اپنا کردار جاری رکھے گا۔
یہ بھی پڑھیں : کشمیر کی حیثیت سے متعلق بھارتی دعوے بے بنیاد ہیں، ترجمان دفتر خارجہ
دوسری جانب موجودہ سیکریٹری خارجہ آمنہ بلوچ 17 ستمبر کو تین دہائیوں سے زائد عرصے پر محیط سرکاری ملازمت مکمل کرکے ریٹائر ہوجائیں گی۔ وہ 11 ستمبر 2024 سے سیکریٹری خارجہ کے منصب پر خدمات انجام دے رہی ہیں۔
اسحاق ڈار نے آمنہ بلوچ کی وزارت خارجہ کیلئے خدمات اور مشکل دور میں ان کی قیادت کو سراہتے ہوئے کہا کہ انہوں نے شاندار انداز میں اپنی ذمہ داریاں نبھائیں اور سرکاری ملازمت کے دوران قومی خدمت کی ایک قابلِ قدر مثال قائم کی۔
ریٹائرمنٹ کے بعد آمنہ بلوچ کو ترکیہ میں پاکستان کا سفیر مقرر کیا جائے گا۔ اسحاق ڈار نے امید ظاہر کی کہ وہ نئی ذمہ داری میں بھی اسی عزم اور پیشہ ورانہ انداز کے ساتھ پاکستان کی نمائندگی کرتی رہیں گی۔
نائب وزیراعظم کے مطابق وزیراعظم شہباز شریف نے آمنہ بلوچ کی بطور سفیر ترکیہ اور عاصم افتخار احمد کی بطور نئے سیکریٹری خارجہ تعیناتیوں کی منظوری دے دی ہے۔
