مکہ مکرمہ: مکہ مکرمہ میں بارش نے روحانی فضا کو مزید خوبصورت بنا دیا، مسجد الحرام میں بارانِ رحمت کے دوران روح پرور مناظر نے زائرین اور دیکھنے والوں کے دل موہ لیے۔
بارش کے دوران بھی زائرین عبادت میں مصروف رہے، جبکہ نمازیوں کی بڑی تعداد بارانِ رحمت میں رب کے حضور سجدہ ریز رہی۔ اس دوران دعا، مناجات اور ذکر و اذکار کا سلسلہ بھی جاری رہا۔
أمطار غزيرة جدا على المسجد الحرام 🌧🕋🌩#مكة_المكرمة #مكة_الان #مكة https://t.co/h6e1ATsqYW… pic.twitter.com/3q1tc1CJ8p
— رضوان المكي 🕋 (@Rizwan_almakki) September 14, 2026
مسجد الحرام میں طواف کرنے والے زائرین کی تکبیرات اور اذکار سے فضا معطر ہوگئی۔ زائرین نے بارش پر خوشی کا اظہار کرتے ہوئے اللہ تعالیٰ کا شکر ادا کیا اور اسے بارانِ رحمت قرار دیا۔
دوسری جانب مکہ ٹاور پر بجلی چمکنے کے مناظر نے بھی روح پرور ماحول کو مزید دلکش بنا دیا، جس نے دیکھنے والوں کو اپنی جانب متوجہ کرلیا۔
