وفاقی وزیر مذہبی امور سردار محمد یوسف کی زیر صدارت حج انتظامات کا جائزہ اجلاس ہوا، جس میں سعودی عرب میں جاری حج انتظامات اور مختلف سہولیات کے حصول پر تفصیلی بریفنگ دی گئی۔
اجلاس میں وفاقی سیکرٹری ابرار احمد مرزا، ایڈیشنل سیکرٹری اور حج ونگ کے افسران نے شرکت کی، جبکہ سعودی عرب سے ڈی جی حج عبدالوہاب سومرو، ڈائریکٹر حج مکہ عارف اسلم راؤ اور دیگر افسران نے آن لائن شرکت کی۔
وفاقی وزیر مذہبی امور نے سعودی ٹائم لائنز کے مطابق تمام سہولیات بروقت مکمل کرنے کی ہدایت کی، سردار محمد یوسف نے کہا کہ عازمین حج کو معیاری سہولیات کی فراہمی کیلئے تمام وسائل بروئے کار لائے جائیں۔
یہ بھی پڑھیں: پرائیویٹ حج 2027: عازمین پر اہم پابندی عائد، ادائیگی کا نیا طریقہ متعارف
وفاقی وزارت مذہبی امور کے اجلاس میں سعودی عرب میں موجود پاکستانی حکام کی شرکت سے انتظامات کی براہ راست صورتحال بھی سامنے آئی۔
وفاقی وزیر کی ہدایات کے مطابق متعلقہ افسران کو سعودی ٹائم لائنز کو مدنظر رکھتے ہوئے اپنے کام مکمل کرنا ہوں گے۔ اس کا مقصد عازمین کے لیے سہولتوں کی بروقت دستیابی یقینی بنانا ہے۔
