پاکستان کے اسٹار بیٹر اور قومی ٹیسٹ ٹیم کے کپتان بابر اعظم انٹرنیشنل لیگ ٹی ٹوئنٹی (ILT20) کے پانچویں سیزن میں ایکشن میں دکھائی دیں گے۔ نیلامی کے دوران ڈیزارٹ وائپرز نے 80 ہزار امریکی ڈالر کی بولی لگا کر بابر اعظم کو اپنے اسکواڈ میں شامل کر لیا ہے۔
نیلامی کے دوران قومی ٹیم کے سابق کپتان کی خدمات حاصل کرنے کے لیے مختلف فرنچائزز نے شدید دلچسپی کا اظہار کیا، تاہم ڈیزارٹ وائپرز نے کامیابی حاصل کرتے ہوئے بابر اعظم کو خرید لیا۔ بابر اعظم کی شمولیت سے ڈیزارٹ وائپرز کے بیٹنگ شعبے کو مزید تقویت ملنے کی توقع کی جا رہی ہے۔
بابر اعظم کا شمار عالمی کرکٹ کے نمایاں بیٹرز میں ہوتا ہے اور دنیا بھر کی مختلف ٹی ٹوئنٹی لیگز میں ان کی شرکت شائقین کی توجہ کا مرکز بنی رہتی ہے۔ ڈیزارٹ وائپرز کے بعد اب پاکستانی بیٹر کے مداح بھی آئی ایل ٹی ٹوئنٹی میں ان کی کارکردگی دیکھنے کے لیے بے تاب ہیں۔
یہ بھی پڑھیں : شبمن گل کی ویسٹ انڈیزکے خلاف تاریخی ڈبل سنچری،نیا عالمی ریکارڈ قائم کر دیا
آئی ایل ٹی ٹوئنٹی کا پانچواں سیزن 21 نومبر سے 20 دسمبر تک متحدہ عرب امارات (یو اے ای) میں کھیلا جائے گا جس میں مختلف فرنچائزز کے درمیان سنسنی خیز مقابلے ہوں گے۔ بابر اعظم کی شرکت کے باعث پاکستان میں بھی اس لیگ کی مقبولیت اور شائقین کی دلچسپی میں نمایاں اضافے کا امکان ہے۔
