وزیر اعلی خیبرپختونخوا سردار علی امین خان گنڈاپور کی ہدایات پر صوبے کے مختلف بازاروں میں ریسکیو 1122 کی ایمبولینسز اور میڈیکل بائیکس تعینات کر دی گئی ہیں
تاکہ عید الفطر کے دوران عوام کو کسی بھی ناگہانی صورتحال میں فوری اور پیشہ ورانہ خدمات فراہم کی جا سکیں۔
ریسکیو 1122 کی ٹیمیں کسی بھی ایمرجنسی کے دوران بروقت خدمات فراہم کرنے کے لیے تیار ہیں۔ ان ٹیموں میں ایمرجنسی میڈیکل ٹیکنیشنز کی تعیناتی کی گئی ہے جو خریداروں کو فوری طبی امداد فراہم کریں گے۔
یہ اقدام صوبے میں عید کی خریداری کی بھاگ دوڑ اور عوامی رش کے دوران صحت اور حفاظت کے لحاظ سے اہمیت کا حامل ہے۔
وزیر اعلی کی ہدایات کے مطابق ریسکیو 1122 کی ٹیمیں مارکیٹوں اور بازاروں میں آنے والے افراد کے لیے ہر ممکن سہولت فراہم کریں گی، تاکہ کسی بھی ایمرجنسی کی صورت میں فوری طور پر مدد مل سکے۔
یہ بھی پڑھیں سوات پولیس نے چاند رات اور عید الفطر کے لیے سیکیورٹی پلان جاری کردیا
ریسکیو 1122 کی یہ پیشہ ورانہ ٹیمیں عید الفطر کے دوران عوام کی حفاظت اور صحت کی فراہمی کو یقینی بنانے کے لیے اپنے فرائض کی انجام دہی میں مصروف رہیں گی۔
