وزارت توانائی (پیٹرولیم ڈویژن) نے آئل اینڈ گیس ریگولیٹری اتھارٹی (اوگرا) کی سفارشات پر پیٹرولیم مصنوعات کی قیمتوں میں کمی کا باقاعدہ نوٹیفکیشن جاری کر دیا ہے۔ نئی قیمتوں کا اطلاق 30 ستمبر 2026 سے ہوگا۔
حکومت نے پیٹرول کی قیمت میں 1 روپے 49 پیسے فی لیٹر کمی کی ہے۔ اس کمی کے بعد پیٹرول کی نئی قیمت 389.03 روپے سے کم ہو کر 387.54 روپے فی لیٹر مقرر کی گئی ہے۔
ڈیزل کی قیمت میں 2 روپے 73 پیسے فی لیٹر کی کمی کی گئی ہے۔ کمی کے بعد ہائی اسپیڈ ڈیزل کی نئی قیمت 404.97 روپے سے گھٹ کر 402.24 روپے فی لیٹر ہو گئی ہے۔
وزارتِ توانائی کے مطابق قیمتوں میں یہ ردوبدل عالمی منڈی میں پیٹرولیم مصنوعات کے ریٹس اور دیگر اخراجات کو مدنظر رکھتے ہوئے پیٹرولیم پرائسنگ میکانزم کے تحت کیا گیا ہے۔
