ضلع خیبرکی تحصیل لنڈی کوتل کے دور افتادہ علاقے تبئ تورخیل میں مٹی کا تودہ گرنے سے ایک نوجوان جاں بحق اور دو افراد زخمی ہو گئے۔
اطلاعات کے مطابق آج شام تقریباً 5 بجے تبئ تورخیل میں مٹی کا تودہ اچانک گر گیا، جس کے نتیجے میں 25 سالہ محمد طاہر ولد حضرت، سکنہ انئی تبئ موقع پر ہی دم توڑ گیا۔
جاں بحق نوجوان کی لاش مقامی افراد نے اپنی مدد آپ کے تحت ملبے سے نکالی۔
حادثے میں دو دیگر افراد 32 سالہ رومال ولد نواب اور 28 سالہ نواز ولد نواب، ساکنان پائندی زخہ خیل معمولی زخمی ہوئے۔
یہ بھی پڑھیں :باجوڑ میں تجاوزات کے خلاف آپریشن، 8 فیکٹریاں اور 2 غیر قانونی ڈیرے مسمار
واضح رہے کہ گذشتہ روز خیبرپختونخوا کے ضلع دیر میں پہاڑی تودہ گرنے سے ماں بیٹی جاں بحق ہوگئے تھے۔
