حکومت نے غیر رجسٹرڈ عازمین سے بھی حج درخواستیں وصول کرنے کا فیصلہ کرلیا ، درخواستوں کی وصولی گیارہ سے 16اگست تک ہوگی ۔
تفصیلات کےمطابق پاکستان میں حج 2026رجسٹریشن سے رہ جانیوالوں کیلئے خوشخبری ، حکومت نے غیر رجسٹرڈ عازمین سے بھی حج درخواستیں وصول کرنے کا فیصلہ کرلیا ۔
نجی ٹی وی چینل (سما نیوز)کے مطابق ساڑھے 4لاکھ رجسٹرڈ عازمین سے سوا لاکھ کا حج کوٹہ مکمل نہ ہونے کا خدشہ ہے ، وزارت مذہبی امور نے کم درخواستوں کے خدشے پر غیر رجسٹرڈ عازمین کو موقع دینے کا فیصلہ کیاہے ۔
ذرائع کے مطابق رجسٹرڈ عازمین سے حج درخواستوں کی وصولی کل پیر سے شروع کی جائیگی ، رجسٹرڈ عازمین سرکاری اسکیم کے تحت درخواستیں 4تک 9اگست تک جمع کرواسکتے ہیں ۔
ذرائع کا یہ بھی کہنا ہے کہ غیر رجسٹر ڈ عازمین سے درخواستوں کی وصولی گیارہ اگست سے 16اگست تک جاری رہے گی ۔
