ملک بھر میں سونے کی قیمتوں میں اچانک اضافہ دیکھا گیا ہے، جہاں مقامی صرافہ مارکیٹ میں فی تولہ سونے کی قیمت 4 ہزار 100 روپے بڑھ گئی ہے۔
آل صرافہ ایسوسی ایشن کے مطابق اضافے کے بعد فی تولہ سونا 3 لاکھ 59 ہزار 800 روپے تک پہنچ گیا ہے۔
اسی طرح 10 گرام سونے کی قیمت میں بھی نمایاں اضافہ ہوا ہے اور یہ 3 ہزار 515 روپے بڑھ کر 3 لاکھ 8 ہزار 470 روپے ہوگئی ہے۔
عالمی منڈی میں بھی سونے کی قدر میں اضافہ ریکارڈ کیا گیا ہےجہاں فی اونس سونا 41 ڈالر مہنگا ہو کر 3 ہزار 371 ڈالر کی سطح پر پہنچ گیا ہے۔
یہ بھی پڑھیں :اینڈرائیڈ فونز کی کال سیٹنگز میں ہونے والی تبدیلی،وجہ سامنے آ گئی
یاد رہے کہ گزشتہ روز سونے کی قیمت میں 1 ہزار 500 روپے کی کمی ریکارڈ کی گئی تھی تاہم اب ایک بار پھر قیمتوں میں اضافہ دیکھنے کو ملا ہے۔
