نیویارک : امریکی ریاست نیویارک میں مقامی ریسکیو ٹیم نے جدید ٹیکنالوجی کا انوکھا استعمال کرتے ہوئے ایک زیرِ زمین پائپ میں پھنسی ننھی بلی کو کامیابی سے بچا لیا۔
تفصیلات کے مطابق یہ دلچسپ اور دل چھو لینے والا واقعہ اس وقت پیش آیا جب ایک بلی کا بچہ زیرِ زمین ایک تنگ پائپ میں جا پھنسا، جہاں تک انسانی رسائی ممکن نہ تھی۔
روایتی طریقوں سے ناکامی کے بعد مقامی ریسکیو ٹیم نے مسئلے کا تخلیقی حل نکالا — کھلونے جیسی ایک چھوٹی ریموٹ کنٹرول کار۔
اس ریموٹ کنٹرول کار میں خصوصی طور پر کیمرہ اور لائٹ نصب کی گئی، جسے پائپ کے اندر بھیجا گیا۔
یہ بھی پڑھیں : آئین و قانون کے دائرے میں رہ کر عمران خان کو رہا کرائیں گے، وزیر اعلی پختونخوا
کار کے ذریعے بلی کے مقام کا درست اندازہ لگایا گیا، جس کے بعد ریسکیو ٹیم نے پائپ کا مخصوص حصہ کھودا اور کئی گھنٹوں کی مسلسل کوشش کے بعد بلی کے بچے کو بحفاظت نکال لیا گیا۔
ریسکیو اہلکاروں کا کہنا ہے کہ یہ کاروائی نہ صرف ٹیکنالوجی کے مؤثر استعمال کی بہترین مثال ہے بلکہ جانوروں سے ہمدردی، انسانی تخلیقی صلاحیت اور جذبۂ خدمت کی عکاسی بھی کرتی ہے۔
