بیجنگ: چینی اسمارٹ فون برانڈ آنر نے اپنی نئی اسمارٹ فون سیریز آنر 500 اور آنر 500 پرو متعارف کرادی ہے، جس کی سب سے نمایاں خصوصیت 8,000 ایم اے ایچ دیوہیکل بیٹری ہے، جو فون کو تقریباً 2 دن تک بغیر چارج کے چلانے کی صلاحیت رکھتی ہے۔
کمپنی کے مطابق نئے ماڈلز میں ڈیزائن اور ڈسپلے کو بھی ازسرِنو ترتیب دیا گیا ہے، جس میں بیک پر اُبھری ہوئی کیمرہ ویزر آئی فون ایئر کے انداز سے مشابہ نظر آتی ہے۔
آنر 500 کا وزن 198 گرام جبکہ پرو ماڈل کا 201 گرام ہے، اور دونوں فونز 7.8 ملی میٹر موٹائی، ایلومینیم فریم، گلاس بیک اور IP68/IP69K واٹر و ڈسٹ ریزسٹنس کے ساتھ پیش کیے گئے ہیں۔
ڈسپلے کی خصوصیات دونوں فونز میں یکساں ہیں: 6.55 انچ LTPO OLED اسکرین، 120 ہرٹز ریفریش ریٹ اور 6,000 نٹس تک کی برائٹنیس۔ اسکرین میں ان ڈسپلے فنگر پرنٹ سینسر بھی موجود ہے۔
یہ بھی پڑھیں : بالوں کی جڑیں مضبوط رکھنا چاہتے ہیں؟ یہ کھانے چھوڑیں
کارکردگی کے لحاظ سے آنر 500 پرو میں سنیپ ڈریگن 8 ایلیٹ جبکہ آنر 500 میں سنیپ ڈریگن 8s جن 4 چِپ استعمال کیا گیا ہے۔
دونوں فونز اینڈرائیڈ 16 پر مبنی MagicOS 10 پر چلتے ہیں، اور پرو ماڈل میں 16 جی بی ریم اور 1 ٹی بی اسٹوریج تک کے آپشنز موجود ہیں۔
کیمرہ سیٹ اپ میں فرق یہ ہے کہ دونوں فونز میں 200 میگا پکسل مین کیمرہ اور 12 میگا پکسل الٹرا وائیڈ لینس شامل ہیں، جبکہ پرو ماڈل میں اضافی 50 میگا پکسل ٹیلی فوٹو کیمرہ موجود ہے جو 3x آپٹیکل زوم فراہم کرتا ہے۔
سیلفی کے لیے دونوں فونز میں 50 میگا پکسل فرنٹ کیمرہ دیا گیا ہے۔
بیٹری اور چارجنگ کی خصوصیات بھی متاثر کن ہیں: دونوں فونز میں 8,000 ایم اے ایچ سلیکان کاربن بیٹری ہے، اور 80 واٹ فاسٹ چارجنگ کی سہولت موجود ہے۔
یہ بھی پڑھیں : آئی فون اور سام سنگ کو پیچھے چھوڑ کر مارکیٹ میں نیا فون سامنے آیا
پرو ماڈل میں 50 واٹ وائرلیس چارجنگ اور ریورس وائرلیس چارجنگ کی اضافی سہولت بھی دستیاب ہے۔
قیمتیں: آنر 500 کی ابتدائی قیمت چین میں 380 ڈالر جبکہ آنر 500 پرو 506 ڈالر سے شروع ہوتی ہے۔
بین الاقوامی مارکیٹ میں ان فونز کی قیمتیں نسبتاً زیادہ ہونے کا امکان ظاہر کیا جا رہا ہے۔
