پاکستان کرکٹ ٹیم کا دورہ بنگلہ دیش، شیڈول جاری

بنگلہ دیش کرکٹ بورڈ نے پاکستان کرکٹ ٹیم کے خلاف آئندہ سیریز کے شیڈول کا باضابطہ اعلان کر دیا ہے۔

اعلان کے مطابق قومی ٹیم مارچ اور مئی 2026 میں مختلف فارمیٹس کی سیریز کے لیے بنگلہ دیش کا دورہ کرے گی۔

پاکستان اور بنگلہ دیش کے درمیان تین ون ڈے میچز پر مشتمل سیریز مارچ 2026 میں کھیلی جائے گی جس کے میچز 12، 14 اور 16 مارچ کو شیڈول ہیں۔ قومی ٹیم ون ڈے سیریز میں شرکت کے لیے 9 مارچ 2026 کو بنگلہ دیش پہنچے گی۔

اس کے علاوہ دونوں ٹیموں کے درمیان دو ٹیسٹ میچز کی سیریز مئی 2026 میں کھیلی جائے گی، جو آئی سی سی ورلڈ ٹیسٹ چیمپئن شپ کا حصہ ہوگی۔