ضلع مہمند کی تحصیل امبار سے یکہ غنڈ جانے والی فیلڈرگاڑی کڑپہ ڈھنڈ کے مقام پر گہری کھائی میں جا گری جس کے نتیجے میں چھ افراد جان کی بازی ہار گئے جبکہ ایک شخص زخمی ہوا۔
ریسکیو ذرائع کے مطابق یہ حادثہ جمعہ کے روز مہمند تا پشاور شاہراہ پر پیش آیا۔
گاڑی میں سوار تین افراد موقع پر ہی جاں بحق ہو گئے جبکہ باقی تین شدید زخمیوں کو ہسپتال منتقل کیا گیا جہاں دو افراد جان بازی ہار گئے۔
ریسکیو ٹیم نے اطلاع ملتے ہی جائے حادثہ پر پہنچ کر زخمیوں کو ابتدائی طبی امداد فراہم کی اور تشویشناک حالت میں ہسپتال منتقل کیا۔
جاں بحق ہونے والوں میں وزیر خان ، زردول ، ظاہر گل، میر عالم، غلام سعید اور نور البشر شامل ہیں اور سب کا تعلق تحصیل امبار کے مختلف علاقوں سے بتایا گیا ہے۔ زخمی ہونے والا گل بادشاہ ہسپتال میں زیر علاج ہے۔
جاں بحق افراد کی لاشیں ضروری قانونی کارروائی کے لیے ہیڈکوارٹر ہسپتال غلنئی منتقل کر دی گئی ہیں۔
