محکمہ موسمیات کی جانب سے ملک کے مختلف مقامات پر بارشوں کی پیش گوئی کی گئی ہے ۔
محکمہ موسمیات کے مطابق آج اسلام آباد ، بالائی اور وسطی پنجاب ، خیبر پختونخوا میں اکثر مقامات پر بارش اور پہاڑوں پر برفباری ہوسکتی ہے ۔
بالائی خیبر پختونخوا ، کشمیر ، گلگت بلتستان اور شمال مشرقی پنجاب میں بعض مقامات پر موسلادھار بارش اور پہاڑوں پر شدید برفباری متوقع ہے جبکہ چند مقامات پر ژالہ باری کا بھی امکان ہے ۔
اس کے علاوہ ملک کے دیگر علاقوں میں مطلع جزوی ابر آلود رہنے کی پیش گوئی کی گئی ہے ۔
