عالمی مارکیٹ میں سونے کی قیمت آج بڑے پیمانے پر کمی کا شکار ہوئی، جس کے اثرات مقامی صرافہ مارکیٹوں پر بھی دیکھے جا سکتے ہیں۔
پیر کو سونے کی قیمت میں کمی کی بنیادی وجہ کم تجارتی حجم تھا، کیونکہ امریکہ اور چین کی مارکیٹیں مقامی عوامی تعطیلات کے باعث بند رہیں۔
رپورٹس کے مطابق، عالمی سطح پر سونے کی قیمت 1.1 فیصد کمی کے بعد 4,988.04 ڈالر فی اونس پر پہنچ گئی۔ اپریل کے لیے امریکی سونے کے سودے بھی کم ہو کر 0.8 فیصد کمی کے ساتھ 5,006.60 ڈالر فی اونس طے پائے۔
ماہرین کا کہنا ہے کہ اگرچہ گزشتہ ہفتے ملک میں سونے کی قیمتوں میں اضافہ دیکھا گیا تھا، لیکن عالمی مارکیٹ کے دباؤ کے باعث آج ملک کے صرافہ بازاروں میں سونے کی قیمتوں میں کمی آنے کا امکان ہے۔
صرافہ مارکیٹ کے تاجروں کا کہنا ہے کہ عالمی مارکیٹ کی اتار چڑھاؤ کا براہِ راست اثر مقامی سطح پر قیمتوں پر پڑتا ہے، جس کی وجہ سے سرمایہ کار اور صارفین قیمتوں کے اتار چڑھاؤ سے محتاط رہیں۔
